ARMA mutandi

ARMA mutandi

in signum foederis seu amicitiae, ceremonia, iam Homeri aevô antiquior est, ut ex Historia Glauci et Diomedis patet, Il. ζ. v. 235.

Ο῝ς πρὸς Τυδείδην Διομήδεα τεύχἐ ἄμειβεν.

Qui (Glaucis) cum Tydei filio Diomede arma permutavit.

Sic Ethelredus: Quid plura? annuit Edmundus et Knutho de Regni divisione consensit --- dispositis itaque armis in oscula ruum ---- deinde in signum foederis, vestem mutant et arma, reversique ad suos, modum amicitiae pacisque praescribunt et sic cum gaudio ad sua quisque revertitur. Flor. Wigorniensis hôcce ritu contractam fraternitatem innuit, dum rem eandem enarrans, Ubi pace, inquit, amicitiâ, fraternitate, pactô et sacramentô firmata, Regnum dividitur. Etiam adoptionem fraternam similiter per arma contractam, ex Gaufredo Malaterra l. 2. c. 46. pluribus ostendit Car. du Fresne Dissertat. 21. ad Ioinvillam, etc. Vide quoque eum in Glossar.